超肚餓, 叫住小食先, 叫了「海南東風螺」 ($52)，有鮮甜螺肉味, 清甜, 同平時用辣椒炒的顯得份外清甜,
之後主菜, 好大鑊的黑松露龍蝦煲仔飯 ($238), 好難抵擋的爽口龍蝦肉, 仲有黑松露响面, 配已龍蝦, 相當名貴的煲仔飯, 飯粒浸透鮮味, 又唔會太乾太濕, 剛剛好,
之後到主角, 椰子雞鍋 ($258)，好大碟鮮雞, 落雞後冚蓋，還細心地有個漏斗既沙溜, 溜晒後，約七分鐘再開蓋食就啱啱好。初初諗住會食唔晒, 點知太嫩滑, 甚有雞鮮味, 食完仲要叫店員加湯添, 因為個湯實在太誇啦啦, 好清甜既椰子雞湯,香噴噴的椰子香味, 蓋住整間餐廳。還有蔬菜, 浸透了湯的精華, 不得了呀!
呢度仲有好多款COCKTAIL任君選擇, 我叫了杯色彩繽紛的Rainbow, 酒味不是太濃, 成分有伏特加、紅石榴糖水、橙汁、菠蘿汁、藍橙皮酒，甜甜地, 好好飲喎,
最後還有重量級甜品, 溶岩南瓜($68)，用南瓜裝住紫薯蓉同雪糕，紫薯同南瓜都係甜既, 撞埋一齊, 反而 帶出大家本身果香味, 配以冰凍雪糕無敵呀！
