輕時光

營業中

休息中

同屋企人食完午餐, 搭咗一程叮叮, 再行咗一陣, 嚟到中環喱間小店想試吓佢嘅茶飲。我同 P san 就點咗西柚乳酸同芒果優格蓋茶, 諗住可以試吓不同口味, 而蓋茶仲可以揀桂花烏龍茶同茉莉綠茶, 適合不同顧客口味同更多味道組合。 西柚乳酸有少少似益 x 多加西柚味, 但無益 x 多咁甜, 西柚味都幾香; 而芒果優格蓋茶真係幾好味, 最上層有一層奶蓋, 下面係芒果優格, 整個味道有芒果香味, 帶有少許乳酪嘅酸同奶味, 但又唔會太甜或太酸, 好 balance, 而且每啖都有少少桂花烏龍茶嘅餘韻味喺喉嚨, 雖然芒果同乳酪係比較重味, 但配埋喱個茶味, 俾人有種清新嘅感覺。   加上店面裝潢簡單, 有少量位置俾客人坐, 可以 hea 吓打吓卡。