凱逸餐室

營業中

休息中

星期日瞓到自然醒！出元朗搵個地方食個早午餐嚟到呢間門口餐牌幾吸引，一於入去試吓！我選擇食店除咗啲嘢好食仲要求地方乾淨，呢度地方好乾淨坐得舒服😌朋友叫咗個西式午餐🍽腸仔牛扒飯配蒜蓉汁牛扒幾大塊唔係嗰啲用梳打粉醃到淋哂仲好有咬口，蒜蓉汁唔會好咸亦唔會蓋過牛扒肉味我嘅係秘制蔥油豬扒飯蔥油香口惹味配飯一流，喜愛食蔥不能錯過🥳豬扒不是太厚但用香茅醃得香口而且有兩大塊超抵食另外每人叫咗杯奶茶紅豆冰同阿華田紅豆冰，出面好少見有阿華田紅豆冰而呢度仲有好立克紅豆冰，紅豆粒粒起沙又不太甜！值得一試