火山燒 (已結業)

火山燒 今日同朋友去到荃灣搵食，見到一間有丼、有烏冬、同石板燒，好似唔少選擇，所以入去試一試。雖然見到有石板燒，但由於最近先食完，所以簡單食丼同烏冬。因為手機下山所以基本上都非常方便，叫咗嘅食物好快就奉上。日本蜆帝王蟹柳手打湯烏冬：份量偏多，日本蜆約有10隻，好有誠意，而烏冬彈牙，口感不錯；湯底夠熱，味道不錯。金標和牛肩胛肉溫泉蛋丼：牛肉份量都幾多，感覺上同飯嘅份量係一比一，食落啖啖肉都幾滿足，幾有牛味。溫泉蛋偏向液體狀態，蛋汁流出令到整碗飯都被沾上，唔錯鮮芒果肉梳打：芒果肉都幾新鮮，配上梳打，喺炎炎夏日絕對能幫助消暑。鮮雜果冷泡茉莉花茶：雜果同茉莉花配搭合適，有清新嘅感覺，亦能幫助解熱。麵豉湯：麵豉湯內嘅豆腐有濃郁嘅豆味，唔錯蟹子沙律：沙律菜都幾新鮮，咬落爽口。香蒜椰菜：蒜蓉炒得都幾香，唔算好油，唔使有咁大罪惡咁。香炒雜腸：味道微辣加上有香腸嘅鹹香，都炒得幾有風味。成餐飯都食得幾飽，而由於第二日返工，所以食完就走。