桃園眷村 (已結業)

位於旺角朗豪坊的桃園眷村專賣台式食物，是今年新開的餐廳，仲有上海既分店！今日就去試一試佢，睇下點解甘好食！同友人叫左幾樣食物，有紅棗豆漿，紅茶豆漿，熏肉蛋燒餅，功夫雞腿燒餅，豬排蛋燒餅，仲叫左肉鬆青瓜飯團同埋台式香腸飯團！Order完後，店員會比個機仔你，等食物準備好，機仔就會嚮後你就可以出去拎啦！等左10分鐘左右就拎得，我地叫甘多野都唔算等好耐！飲品呢，紅棗豆漿，紅茶豆漿都係涷既，但就冇一粒冰係入面，甜度剛剛好，紅棗豆漿仲食到有粒粒既紅棗肉粒，幾好飲又解渴！功夫雞腿燒餅既雞腿好大好厚的一塊，咬落去好嫩滑，少少辣辣地，再加上生菜蕃茄去了油膩同埋脆脆既包！好夾！豬排蛋燒餅也有一塊大大煎的香香的豬排，友人就不錯，如果大塊一點就好！ 加上煎蛋，又是一個午餐的好選擇！另外，飯團我個人比較喜歡肉鬆青瓜飯團，佢有青瓜去除左飯團的飽肚感，加上肉鬆的香同油條香脆，幾款夾埋係100分！台式香腸飯團較岩喜愛肉類既男士！食完一定飽晒，中間係一大條台式香腸，香港我就未食過啦，友人說很特別呢！下次去可以試埋其他特色菜，聽說咸豆花也不錯，香港倒是少見，下次try try 先！