牡蠣酒場 (已結業)

男朋友係生蠔控，每次食自助餐都會食幾打食到差唔多「滅咗人哋個族」，有日經過銅鑼灣見到有間樓上日本餐廳專食蠔料理，當然要即帶男朋友去試試！KADOYA盛合有8種唔同Toppings嘅生蠔，職員會給細心同食客介紹各Toppings嘅特色，由比較淡味清甜嘅一款食到海水味較濃嘅一款，配料仲特別用上清湯做嘅啫喱、鮮甜海膽、鹹香魚子醬等，味道有新意有層次，而且生蠔新鮮又飽滿，果然係生蠔專家！刺身：醃帆立貝薄切、胡麻油甘魚刺身前者加咗三文魚子、香草同黑椒，食落開胃清爽；後者以厚切油甘魚刺身配上胡麻醬，估唔到咁夾，令油甘魚嘅鮮味更突出！串燒：牛胸腹肉、玉子免治雞肉、天草大王大雞翅大推牛胸腹肉，肉厚嫩滑，加埋帶少少甜味嘅醬好好食！玉子免治雞肉口感彈牙，而大雞翅成隻手臂咁長，控制火喉亦控制得啱啱好，好惹味呀～～海膽忌廉意大利麵忌廉汁充滿濃濃芝士味，麵條掛汁又入味，入口creamy，味道濃郁。