影片
更多
2021-08-06
10 瀏覽
《sʜɪɴɪɴɢ》同朋友去銅鑼灣行街，佢話好耐冇食過潮州菜，我地搵下見到呢間酒吧餐廳幾有特色，啲菜式又好特別，於是就入去試下～一入到去覺得環境好寬敞，中央位置擺咗兩張啤酒乒兵枱，後方有酒吧位，係潮州菜x 酒吧型格餐廳嚟！啲菜式仲要出自米芝蓮名廚，十分期待😋我地叫咗個白鹵水餐($𝟷𝟼𝟾)同埋紅鹵水餐($𝟷𝟹𝟾)～ 🥢白鹵水餐：前菜 - 酸脆蘿蔔、威士忌酒香鵝肝呢間餐廳最特色係佢用自家調整既白鹵水入膳，所以佢啲白鹵水嘢係必點！而佢既威士忌鵝肝更加係成間店既sɪɢɴᴀᴛᴜʀᴇ! 上菜見到佢個波波已經覺得好靚！但我影咗2張相佢就爆咗有啲可惜🙈 爆咗之後就將杯威士忌倒落啲鵝肝度～ 鵝肝好嫩滑，配威士忌真係好香好好食！佢既蘿蔔係切到不規則咁大大舊～ 腌得幾爽脆～主菜 - 花雕醉鴿花雕醉雞就食得多，醉鴿就真係第一次食！發覺都鴿配少少花雕酒香都幾夾！花雕有提味既功效，鴿既肉質幾實淨有咬口，整體嚟講幾正～🥢紅鹵水餐：前菜 - 古法雞腳，話梅車厘茄個古法雞腳應該係我食過最好食既雞腳！佢個汁個調味超讚！落咗好多蒜蓉粒，酸酸辣辣咁勁惹味！隻雞腳係好入味，真係正到爆！話梅車厘茄就麻麻地，可能我唔太好話梅既製成品
同朋友去銅鑼灣行街，佢話好耐冇食過潮州菜，我地搵下見到呢間酒吧餐廳幾有特色，啲菜式又好特別，於是就入去試下～
一入到去覺得環境好寬敞，中央位置擺咗兩張啤酒乒兵枱，後方有酒吧位，係潮州菜x 酒吧型格餐廳嚟！啲菜式仲要出自米芝蓮名廚，十分期待😋
我地叫咗個白鹵水餐($𝟷𝟼𝟾)同埋紅鹵水餐($𝟷𝟹𝟾)～
🥢白鹵水餐：
前菜 - 酸脆蘿蔔、威士忌酒香鵝肝
呢間餐廳最特色係佢用自家調整既白鹵水入膳，所以佢啲白鹵水嘢係必點！而佢既威士忌鵝肝更加係成間店既sɪɢɴᴀᴛᴜʀᴇ! 上菜見到佢個波波已經覺得好靚！但我影咗2張相佢就爆咗有啲可惜🙈 爆咗之後就將杯威士忌倒落啲鵝肝度～ 鵝肝好嫩滑，配威士忌真係好香好好食！佢既蘿蔔係切到不規則咁大大舊～ 腌得幾爽脆～
主菜 - 花雕醉鴿
花雕醉雞就食得多，醉鴿就真係第一次食！發覺都鴿配少少花雕酒香都幾夾！花雕有提味既功效，鴿既肉質幾實淨有咬口，整體嚟講幾正～
🥢紅鹵水餐：
前菜 - 古法雞腳，話梅車厘茄
個古法雞腳應該係我食過最好食既雞腳！佢個汁個調味超讚！落咗好多蒜蓉粒，酸酸辣辣咁勁惹味！隻雞腳係好入味，真係正到爆！話梅車厘茄就麻麻地，可能我唔太好話梅既製成品🙈 覺得味道怪怪的～
主菜 - 滷水元蹄伴豆腐、滷水蛋
份量都幾多下！全部食材都入味～ 元蹄我麻麻因為唔慣佢有少少重豬既味～ 反而豆腐好有驚喜～ 個豆腐皮炸過既，有少少似油炸鬼咁幾正～
兩個餐都配埋白飯同上湯時蔬～ 個時蔬一啲都唔馬虎，啲菜好清甜好嫩～ 食埋個飯都好飽好滿足了🤤
張貼
