鐵板一 (裝修中)

今日喺銅鑼灣，見到呢間餐廳做緊半價優惠，入到去餐廳環境佈置得幾靚，座位都好豐富，侍應都好有禮貌，幫我哋準備好餐具。事不宜遲，肚仔好餓，睇一睇份餐單先。餐單選擇主力係鐵板餐同埋小食。今日做到女朋友叫咗牛柳套餐同埋生胴套餐～五成熟燒汁紐西蘭牛柳配野菌忌廉湯加熱檸水一上枱，非常之熱辣辣，牛柳係五成熟嘅，肉汁亦都非常之多，食落去唔會覺得煙韌，好香嘅牛肉味，再點一點啲燒汁，好好味。配菜薯條亦都外脆內軟。主打生酮食肉瘦套餐+ 意大利雜菜湯+ 燒春雞+ 軟殼蟹配水果拼盤加熱檸茶上主菜之前，有個牛油小餐包，味道唔錯。羅宋湯都比較香濃，酸酸甜甜。牛油果沙律，蔬菜都好新鮮。主菜終於到啦，燒春雞好大隻，厚肉多多，燒得香脆，亦都唔會太油，另外，軟殼蟹亦都炸得非常之香脆可口，仲有啲蟹膏，勁好食！最後來個小水果拼盤，裏面有西瓜，香橙，藍莓，水蜜桃，食完濃味鐵板燒， refresh下！熱檸茶，熱檸水，檸檬唔會苦，新鮮多汁，夠晒酸！