影片
更多
2024-09-21
215 瀏覽
👧🏻既媽媽去花墟行街時發現太子有間新泰國餐廳，環境好闊落，絕對係同朋友相聚既好地方！今次先自私食，下次屋企/朋友聚會再去過！🌟串燒拼盤（半打）串燒拼盤可選擇6串/12串，最估唔到就算叫6串，都可以要齊豬、牛、雞，3款肉類。串燒略帶炭香，肉質剛剛好唔會太韌/乾，牛肉就帶少量筋，幾有口感。沙嗲醬會平時食既較稀，重花生香。🌟咖喱牛腩咖喱可選黃/紅/綠咖喱，肉類可選雞/豬/牛腩。黃咖喱容易入口，唔辣偏甜。牛腩質感鬆軟，部份更帶有脂肪+筋膜，富有油香同爽口。配料仲有唔少薯仔、洋蔥、燈籠椒。🌟泰式乾炒河（牛肉）乾牛炒河都算幾惹味，河粉有少少煙韌，牛肉份量唔少，肉有調味質感偏淋身。如果可以少油啲會更好。🌟蒜蓉法包蒜蓉法包一客4件，烘得金黃香脆，質感輕盈唔會太硬，蒜蓉唔算太重，用嚟點咖哩就一流！🌟三色香芒糯米飯👧🏻認為香芒糯米飯表現相當出色，芒果份量幾多，甜美可口。而糯米飯就有3球，有齊原味、斑蘭同蝶豆花，單計取色已經相當吸睛。熱辣辣送到，飯底已略加糖，配埋椰漿就Perfect！🌟珍多冰椰汁配上綠色粉條，味道清甜。餐廳其實仲有提供好多款沙冰飲味，有啲仲要原個用生果外殼上，真係好吸引😫，可惜👧🏻飲親冰都
🌟串燒拼盤（半打）
串燒拼盤可選擇6串/12串，最估唔到就算叫6串，都可以要齊豬、牛、雞，3款肉類。串燒略帶炭香，肉質剛剛好唔會太韌/乾，牛肉就帶少量筋，幾有口感。沙嗲醬會平時食既較稀，重花生香。
🌟咖喱牛腩
咖喱可選黃/紅/綠咖喱，肉類可選雞/豬/牛腩。黃咖喱容易入口，唔辣偏甜。牛腩質感鬆軟，部份更帶有脂肪+筋膜，富有油香同爽口。配料仲有唔少薯仔、洋蔥、燈籠椒。
🌟泰式乾炒河（牛肉）
乾牛炒河都算幾惹味，河粉有少少煙韌，牛肉份量唔少，肉有調味質感偏淋身。如果可以少油啲會更好。
🌟蒜蓉法包
蒜蓉法包一客4件，烘得金黃香脆，質感輕盈唔會太硬，蒜蓉唔算太重，用嚟點咖哩就一流！
🌟三色香芒糯米飯
👧🏻認為香芒糯米飯表現相當出色，芒果份量幾多，甜美可口。而糯米飯就有3球，有齊原味、斑蘭同蝶豆花，單計取色已經相當吸睛。熱辣辣送到，飯底已略加糖，配埋椰漿就Perfect！
🌟珍多冰
椰汁配上綠色粉條，味道清甜。餐廳其實仲有提供好多款沙冰飲味，有啲仲要原個用生果外殼上，真係好吸引😫，可惜👧🏻飲親冰都唔舒服，無緣呀😭。
張貼
