泰基隆泰北面 (已結業)

米線成日都會食到，間唔中都想試下其他口味，今次就食左來自泰國的湯麵！✨泰式青咖哩雞肉湯河青咖哩湯底有驚喜，食到有椰汁同金不換既香味而且味道夠哂濃郁，河粉吸收哂湯底既味道好入味。雞肉肉質比較鞋，豬紅普普通通無腥味。✨熱洛神花茶唔想次次都飲汽水或者檸茶，所以就揀左飲洛神花茶，味道酸酸甜甜幾開胃。✨泰北魚湯麵湯底都幾辣下同埋重口味，偏咸左少少，魚味唔算突出反而食到少少腥味。腩肉份量少只有三件，仲要切到好薄，其他配料都好一般。✨凍青檸水酸酸地幾開胃，好夠青檸味。整體來說粉麵價錢有啲貴，餸料少味道都普通，只有泰式湯底喺比較特別，間唔中可以試下過口癮。