影片
更多
2023-07-21
69 瀏覽
Cube O - Journey with Seajellies荃灣楊屋道88號Plaza 88 8樓今日好朋友生日，想同佢食啲特別D嘅餐廳，最近留意到呢間係荃灣以水母做主題的餐廳，覺得好新鮮，而且網上面既評價都幾高所以就決定黎試下。。我地早一個星期已經book左位，因為餐廳既位置有限，唔算太多張檯，今晚都full晒，入到餐廳就好似置身於水族館咁樣，每一檯傍邊都有一缸水母，岩晒一班鐘意打咭既朋友法式蟹肉龍蝦湯非常足料既餐湯，見到表面有d 香濃既芝士泡沫，聞到已經覺得好濃郁，而且每一湯匙都有一絲絲嘅蟹肉同龍蝦肉，真係好吸引，配合埋法包一齊就最match啦西班牙紅蝦三文魚子意大利飯超巨型既西班牙紅蝦，肉質非常彈牙，而意大利飯混入左好多忌廉同雜菌好Creamy, 面層仲鋪滿曬三文魚子，真係好吸睛慢煮加拿大帶骨豬鞍豬鞍肉非常厚身， 肥瘦均勻食落非常有口感， 除咗豬鞍仲有好多唔同顏色嘅蔬菜做伴碟，見到都流口水好想食黑松露薯條係我最鐘意既粗薯條，熱辣辣係即叫即炸，而黑松露亦係我另一至愛，松露既味道非常濃郁，一條接一條完全停唔到口Mango baby 呢杯芒果特飲，仲加入左鮮橙同蜜糖，以梳打水混和而
荃灣楊屋道88號Plaza 88 8樓
今日好朋友生日，想同佢食啲特別D嘅餐廳，最近留意到呢間係荃灣以水母做主題的餐廳，覺得好新鮮，而且網上面既評價都幾高所以就決定黎試下。。我地早一個星期已經book左位，因為餐廳既位置有限，唔算太多張檯，今晚都full晒，入到餐廳就好似置身於水族館咁樣，每一檯傍邊都有一缸水母，岩晒一班鐘意打咭既朋友
法式蟹肉龍蝦湯
非常足料既餐湯，見到表面有d 香濃既芝士泡沫，聞到已經覺得好濃郁，而且每一湯匙都有一絲絲嘅蟹肉同龍蝦肉，真係好吸引，配合埋法包一齊就最match啦
西班牙紅蝦三文魚子意大利飯
超巨型既西班牙紅蝦，肉質非常彈牙，而意大利飯混入左好多忌廉同雜菌好Creamy, 面層仲鋪滿曬三文魚子，真係好吸睛
慢煮加拿大帶骨豬鞍
豬鞍肉非常厚身， 肥瘦均勻食落非常有口感， 除咗豬鞍仲有好多唔同顏色嘅蔬菜做伴碟，見到都流口水好想食
黑松露薯條
係我最鐘意既粗薯條，熱辣辣係即叫即炸，而黑松露亦係我另一至愛，松露既味道非常濃郁，一條接一條完全停唔到口
Mango baby
呢杯芒果特飲，仲加入左鮮橙同蜜糖，以梳打水混和而成，感覺好Fresh而又唔會太甜，非常開胃，最適合而家夏天飲啦
張貼
