影片
更多
2016-05-15
536 瀏覽
位於荃灣既doodie bar，主打各款本地啤同熱狗小食，特色係佢地最大既賣點。非常surprise呢塊welcome牌，訂左台既客人都會寫呢個welcome xxx既牌，小小舉動就比客人無限窩心，利害。內裡既裝修都用左唔少心機，入到去既感覺有d似西部牛仔既feel，有d西方古代感既畫牌同牆身設計，而且部份牆身係黑板，上面寫左meun既食物之餘，仲有客人既簽名，幾好feel。bar台就放滿酒樽同酒杯，當燈光射落去再反射，形成一個好靚既景像，有少少迷幻。呢到其中一樣最大既賣點唔洗講一定係呢d本地啤，當中港男同港女係熱賣，我相信身為香港人既你地都唔會抗拒到佢既呼喚。由於今次同行既朋友都同我一樣係男仔，所以我只係點左港男啤，港男啤係黑啤，味道無外國黑啤咁濃，有陣幽幽既花香，亦有少少港男般既成熟味道。我相信飲唔到黑啤既人都飲到港男啤！而港女啤就咁望佢既介紹，應該係帶有荔枝味同花香味既啤酒，好像港女咁sweet！除左港男啤，我地當然唔放過其他出名既啤酒啦！由淡到濃講起，小醜啤同stone都係我既至愛。小醜啤有少少似1664，淡淡既花香味，亦不缺啤酒個種刺激感，有少少性格。而stone係一款清啤，
內裡既裝修都用左唔少心機，入到去既感覺有d似西部牛仔既feel，有d西方古代感既畫牌同牆身設計，而且部份牆身係黑板，上面寫左meun既食物之餘，仲有客人既簽名，幾好feel。bar台就放滿酒樽同酒杯，當燈光射落去再反射，形成一個好靚既景像，有少少迷幻。
呢到其中一樣最大既賣點唔洗講一定係呢d本地啤，當中港男同港女係熱賣，我相信身為香港人既你地都唔會抗拒到佢既呼喚。由於今次同行既朋友都同我一樣係男仔，所以我只係點左港男啤，港男啤係黑啤，味道無外國黑啤咁濃，有陣幽幽既花香，亦有少少港男般既成熟味道。我相信飲唔到黑啤既人都飲到港男啤！而港女啤就咁望佢既介紹，應該係帶有荔枝味同花香味既啤酒，好像港女咁sweet！
除左港男啤，我地當然唔放過其他出名既啤酒啦！由淡到濃講起，小醜啤同stone都係我既至愛。小醜啤有少少似1664，淡淡既花香味，亦不缺啤酒個種刺激感，有少少性格。
而stone係一款清啤，聞上去好香好香既西柚味，好清新好香，因為我好鐘意西柚個陣清香味。但係飲落柚子味就無咁濃，少少柚子味但就好重既各種花既香味，都係好好飲。
不過最後呢款黑啤我真係唔係好識欣賞，11％酒精濃度，員工話佢係好香朱古力同咖啡香味，而我聞落同飲落都好老抽，好重豉油味，可能我真係唔識飲。
飲咁多酒緊係要食返少少野填下肚，呢到食物種類真係唔算好多，但總算有返咁上下水準。呢個芝士牛肉醬既啤酒薯條，我無深究啤酒薯條呢樣野，不過佢個芝士牛肉醬真係拉到絲，加分！另外個肉醬係有少少似肉醬意粉既醬，鐘唔鐘意就見人見智，我覺得幾好，而薯條都好好脆。
吉列琵琶炸蝦，炸蝦擺盤好靚好高貴。炸蝦既蝦係成條上，尾部無剝殼原汁原味，不過我覺得個炸粉就點厚，相比之下蝦肉會顯得好細條，不過點沙律醬黎食真係幾惹味。
我係超鐘意食雞翼既人，不過呢隻雞翼就有少少失望，雖然炸到好香好脆，但係入面既肉都有點乾身，我比較鐘意食外脆內爆汁既雞翼。另外呢款雞翼無醬點，但調味亦不夠入味，所以未算好好食。
呢兩隻熱狗就真係幾正，用料高級而且香腸級數好高。黑松露滑蛋熱狗，黑松露畫龍點精好香，香腸無豬肉腥味，好脆口好香，配埋烘左既熱狗包真係無得彈。而下面既牛舌香草豬肉腸熱狗，我覺得比黑松露滑蛋熱狗略為遜息，但都好好食。牛舌好淋完全食唔出係牛舌，熱狗腸好夠味，醬汁份量都好多，唔怕食一半就好似乾食咁。
又近地鐵站，價錢又唔貴又多啤酒種類簡，真係唔錯，有機會一定會再黎食。
張貼
