辛手村 (已結業)

位於旺角黑布街，由兩位年輕人主理既辛手村完全顛覆川菜一貫傳統古舊形象，結合干鍋、串燒、清酒，以白/黃銅簡約裝潢成為新派川菜熱點🔥店內每晚9:30會將燈光調暗變為酒吧形象！鍾意餐牌上有唔同清酒，嗌左枝獺祭45送川菜原來都咁夾🍶主打干鍋選好鍋底後可以揀最少4款材料，今次既選擇全部都幾好味：原隻蝦夠香脆、肥腸煙韌無臭味、萵筍爽口、振興濃汁牛丸肉味超級重🤤干鍋自創口味結合四川麻辣同黑松露，辛辣惹味之餘不同食材口感融和一齊，好味！干鍋份量好大，如果唔夠喉仲可以加碗白飯😍串燒方面牛舌心軟腍入味，雞棒肉串香口帶辣勁，仲有帆立貝、菠蘿等不敗選擇，送酒一流🥰最後上甜品自家製柚子冰粉，睇個樣好似平平無奇但放入口即刻有冰涼口感加上清甜柚子，解膩一流！！