小確幸 (已結業)

同事要散水送左一個布丁燒俾我食，當做散水餅，布丁燒賣相特別，用一個厚身嘅有蓋膠兜裝住，面頭印咗店名小確幸，貓頭鷹同“感謝過往關照”6個字。同事特登講低個布丁燒係可以倒出黎先食，而唔係直接係膠兜食用。原來布丁燒有兩層，上面係非常滑溜而帶甜甜蛋味既布丁，下面就好似係好滑既輕盈芝士蛋糕。食落雙重滑溜，唔算太甜，食完成個都有啲飽。不過正價見到成$38，呢個價錢我就絕對唔會買嚟食，買黎做散水餅如果有折扣都可以考慮吓。