燒肉酒場 (已結業)

話說網上睇片睇到日本食羊肉燒原來叫成吉思汗，又睇到流哂口水，原來成吉思汗嘅羊肉燒主要係用羊肉同埋羔羊肉製作嘅日式烤肉料理，於是就上網搵吓睇下邊度有得食燒羊，就比我搵到呢間燒肉酒場。既然想食羊，一於整個半羊宴，點咗嘅肉包括：- 蒙古羊肉卷- 紐西蘭羊柳- 羊湯烏冬- 伊比利亞梅頭- 壺漬牛肋條另外再點咗兩杯特別嘅飲品- 西柚燒酎- 雜果燒酎蒙古羊肉卷係一大片薄薄嘅羊肉，建議一次過一碟一齊落去燒，整到好似炒羊肉嘅感覺好好味。紐西蘭羊柳口感就似平時食牛柳嘅感覺，只係換轉咗羊嘅味道。伊比利亞梅頭豬仔界嘅和牛級別，肉質鬆軟又有肉汁，好味！羊湯烏冬嘅湯似飲落鮮甜，而羊肉都係羊肉卷嘅肉一樣，換咗湯上感覺又有另一番風味。壺漬牛肋條切法好似𠝹花咁靚，不單止將牛肋條嘅筋切得好好，令到牛肉質地鬆軟。雖然點咗嘅款式唔算多，但係全肉宴都壓係好飽，呢餐好滿足。