良記餐廳(老鳳冰室) (已結業)

經常都會食老鳳，食物質素有保證！整體格局係走懷舊港式冰室風格，食物都比較有創意，唔係嗰啲Hea茶仔。例如焗芝士海鮮保齡球🎳即係烤麵包入面有芝士海鮮焗飯，相當有創意。個人就鍾意食芝士豬頸肉撈一丁，邪惡得來芝士味又唔會太過～佢啲飲品超級特別，例如波波奶茶，奶茶下面嘅冰粒係奶茶波波冰，飲完晒啲奶茶可以食埋啲冰！飛仔華田上面有一大堆cream同早餐片，仲有一隻啤牌餅乾，店員話呢隻啤牌係食得嘅，專登外國訂返嚟一定要食埋佢。真係相當有heart嘅冰室，會keep住繼續食！