雪人圓 (已搬遷) 新店位置

同朋友喺元朗一帶度搵嘢食，見到一間裝修都幾別緻，入邊好多聖誕節嘅裝飾，同埋用咗一啲名畫嘅明信片去裝飾，都幾特別，俾人一種好溫暖同埋好colorful嘅感覺，相信店主想喺呢度俾人感受到當日嘅溫暖。呢一間入到去就發現係食一啲疏乎厘pancake嘅，餐牌選擇唔係好多，但係個名都充滿心思，我同朋友叫咗個Oreo溝抹茶同埋芒果專家。另外叫咗珍珠奶茶飲。芒果專家都幾多芒果，同埋個疏乎厘好得意，加埋個雪糕球三種嘅口味一齊食，口感唔錯，可惜疏乎厘唔係好夠熱。Oreo溝抹茶係雪人咁嘅樣嘅，好得意，幾夢幻，幾有心思，幾好食。可惜個綠茶味唔係好濃，而且Oreo只係就咁擺喺隔離，冇嗰種「溝」埋一齊嘅感覺。叫咗杯雪人珍珠烤奶。奶味幾香濃，珍珠都幾煙韌，個杯睇落好靚，好啱打卡。