六両三.台灣食堂 (已結業)

雖然最近天氣好熱，但係心血來潮想去食火鍋，就去左係觀塘既【六両三】食晚飯。餐廳主打台式野，有台式粉麵小食同火鍋。我叫左一人小火鍋set，選擇左牛骨沙茶湯底、M7和牛後腿肉眼同關廟麵。另外再加錢配左個荔液滿白峰芋圓涼粉。 牛骨沙茶湯底非常濃沙茶味、牛骨湯好鮮甜。M7和牛後腿肉眼偏瘦、個人幾鍾意，而且分量算好多、牛味重。丸每款得一粒，但蔬菜算好多，而且都好新鮮。關廟麵係幼麵非常吸湯。 荔液滿白峰芋圓涼粉分量超級大，個人建議起碼兩個人share好D。味道唔會太甜、芋圓地瓜圓味道濃。食完火鍋最岩食，推薦。