NUTTEA (時代廣場) (已結業)

一直都想試係銅鑼灣時代廣場B1新開既呢間NUTTEA嘅茶，但每次經過時都好飽飲唔落。加上疫情又真係唔方便係街飲嘢。今日終於搵到個好時間睇完場戲，可以外賣買返屋企慢慢飲。NUTTEA選擇非常多令人花多眼亂，揀嚟揀去最後都揀咗NUTTEA店員大力推介嘅伯爵茶朱古力奶蓋, 亦都係NUTTEA比較多人買既一杯。比起一般台式奶蓋奶茶，Nuttea無咁大杯，但係啲奶蓋就超實，真係要用佢俾嘅剷剷嚟食。伯爵茶茶底好醇，好清新。可惜伯爵茶無純茶，不過下次要一定試其他飲品款式。