一君士多 (已結業)

今日同朋友去左尖沙嘴，見到新開無耐既一君士多，緊係要試下啦。裝修好乾淨俐落，d燈好有舊時士多店既感覺，poster掛係牆又好cute。見到餐單，d料好足，但其實價錢吾貴，好平民，幾抵食。海龍皇湯泡飯超級足料，又大碗！！！有長過手掌既龍蝦，好爽口彈牙，又有青口、廣島蠔同蝦。碗湯好有鮮味，將d飯放入湯泡簡直一流。火山之牛飯飯面鋪滿芝士、牛同蛋，真係好似火山。食前可以將蛋黃切開，就有蛋黃流出黎，好滋味！之後重叫左2個小食，係芝士蘑菇雞翼同南乳豬手。雞翼中既芝士溶化左，可以拉絲，好正，而豬手又煮得好冧，好入味。最後緊係要叫懷舊風味既香蕉船，可以揀3球雪糕，又有格仔餅做伴碟，正！熱檸蜜同菠蘿冰今餐真係好滿足，又抵！