土耳其小城 (德範大廈) (已結業)

之前一直都好想試吓土耳其菜，但係香港真係比較少見，但男朋友前幾日share左呢間荃灣嘅土耳其小城俾我睇，男朋友今次真係100分，帶我去食間咁正嘅嘢🥰克勒拉雞皇屬於奶油咖喱，香料味好濃郁，再加上質感creamy配搭上蒜油烤餅食更加完美。蒜油烤餅大大塊厚度適中，點上美味咖哩超入味又鬆脆。深海魚柳沙律嘅炸魚柳一啲都唔油，炸嘅時間掌握得好好，外皮金黃香脆，內裡軟嫩多汁，配上生菜，蕃茄，洋蔥等沙律菜一齊食，正！因為深海魚柳沙律唔夠食，再叫多左個浮雲沙律，同樣有多款新鮮沙律菜，爽脆清甜！仲有個心水推介脆皮鮮奶卷！奶香濃厚，酥脆外皮與軟滑鮮奶，雙重口感，你真係一定要試下🥹👍🏻