臺北棧 (荷李活道) (已結業)

今日喺中環見完客，難得同另一半可以撐枱腳，於是揀咗間中環嘅台灣野，呢度打卡一流。因為冇book嘅關係，所以都等咗一陣，又爆曬場，香港人真係作出報復式嘅消費。我哋嗌左個雙色鹽酥雞，分別係有柚子味同黑松露味，鹽酥雞超大嚿，炸得又唔油膩， 香脆可口，柚子味汁清清甜甜，而黑松露味10分香濃，個人建議食咗柚子味先，清新一下呀嘛。另外嗌左個肉鬆榨菜蛋餅，肉鬆配埋榨菜一齊真係好夾，包埋蛋餅個皮好薄，唔會好濟。最後仲share左個鯊魚骨豬軟骨豆乳湯刀削麵，佢另外加咗好多蟲草，所以口感一流，而且個湯底真係不得了，非常濃郁，刀削麵10分煙人。整體來講真係好出色嘅台灣菜，最後職員推介試埋個奶奶麻薯，佢唔係糯米粉做，所以唔會好飽，我哋揀咗花生碎，麻薯加埋花生碎入口即溶，有彈Q彈Q的感覺。