梅之味 (麗都大廈) (已結業)

灣仔蘭杜街一向成條街都係食肆，放工同朋友去搵食，見到呢間開左無耐既台灣小店，朋友話岩岩去完台灣旅行，都好掛住d台灣美食，就入去試下啦。睇睇餐牌，都好多唔同種類選擇，除左必點既牛肉麵，小食同小菜都有好多款，連海鮮類都有，夠曬多元化。紅燒牛肉麵先飲啖湯，有少少辣，湯底有丁香、八角香氣，原汁原味既湯底加上口感紮實既麵條，掛湯能力強。牛肉滑嫩入口即化，非常好食。台式炒米粉去台灣夜市必點既台式小吃，黎呢度都食到啦。米粉炒出黎又Q又彈，配料亦非常多，滿滿的台灣味。台式鹽酥雞即叫即炸，熱辣辣，雞肉多汁，香口惹味。香腸炒高麗菜又想食台灣腸又想清淡d，呢個香腸炒高麗菜就可以滿足曬兩個願望啦。冬瓜茶 冬瓜檸檬冬瓜菜係餐廳自家制，唔會太甜，冬瓜味好香好出，朋友怕太甜所以叫冬瓜檸檬，酸酸甜甜有點像檸檬茶。