OLYMPOS Restaurant & Bar (已結業)

喺屯門御海灣，開咗好多餐廳，全部都裝修得好靚，成日經過都想試吓，見到呢間食中東菜，嘢食好似幾有特色。好，坐低睇吓有咩好食先。旋轉烤肉羊肉卡巴，個包好熱辣辣，個烤羊肉好嫩，口袋餅好薄，又香口，裏面仲有一啲沙律菜，個醬汁好特別，唔係普通沙律汁，微酸微辣。印度奶油雞，奶油好香，雞肉多彈，個咖哩微辣。印度香料乳酪羊肉咖喱，咖喱都有羊肉味，帶微酸，有中東菜嗰種香料味。叫咗兩款唔同嘅薄餅要來點咖哩，拉卜油餅比較香酥，少少牛油奶油香。印度薄餅，麵包質感重點，包比較挺身。