啡寮 (已結業)

香港可以飲冰滴咖啡嘅地方唔算多，而可以飲有唔同特色口味嘅冰滴咖啡更加係少之又少。今次嚟到長洲，竟然發現有間有特色又高質嘅cafe!🐝檸檬蜜糖冰滴咖啡，飲落個咖啡首先會飲到有香港特色檸檬茶嘅味道，之後又立即會有淡淡的咖啡香味出嚟， 十分有特色，值得一試！🍍菠蘿冰滴咖啡，就咁睇個杯已經有強烈嘅菠蘿感覺，打卡影相必備！飲落去有淡淡的菠蘿香味，配以冰滴咖啡嘅香味，非常之夾同好飲又係必試飲品之一。餐廳俾人嘅感覺好悠閒舒服，客人一路飲咖啡一路傾偈，喺炎熱嘅夏日天氣下，呢度係一個唔錯嘅休息地點！門口亦都有一隻好可愛嘅狗狗，應該係店主養的，為舖頭增加一份休閒可愛嘅感覺。