Chef's Secret (已結業)

今次嚟到荔枝角，諗住去啲工業大廈上面既西餐廳食下午茶，點知我哋走咗去D2 place搵下嘢食，見到有一間都幾開揚嘅西式餐廳，就諗住入去食下個下午茶，入到去都有幾款下午茶餐選擇，我哋就揀咗一個特色下午茶餐一齊share食。個Tea set好特別，有六款唔同嘅食物放係一個木板上面，而且賣相都幾吸引呀。佢上面有個用麵包做底既三文魚沙律係上面，呢個都幾好食啊，因為都幾match。而中間有一個類似漢堡包嘅物體，但係就係迷你版，中間有少少牛肉，牛肉入面有好多牛肉汁，連埋個包一齊食，好味啊！好似食緊個巨大漢堡包咁，跟住另外嗰行三款食物都係甜品食物，食完啲鹹嘅食物就試吓啲甜品食物，但係甜嘅食物就普普通通，唔係話好特別嘅味道。