飯後甜品 (已結業)

我尋日同我男朋友係大埔行街,經過呢一間甜品店,比佢門口D相吸引住,睇到都想食,之後我地就入左呢一間甜品店食,我地一睇佢地個menu入面都有好多款式,睇到我都有好多野都想食,可惜得我地兩個人都唔食得幾多,由於天氣熱,最後我就選左雪花冰,佢地都有好多味可以選擇,我就選左特濃之戀,佢係一個朱古力味既雪花冰,同埋加左D朱古力醬、雪米滋、威化餅、香蕉粒,朱古力碎,練奶.我第一啖食落去既感覺,好有朱古力味,又唔係太甜,味道適中,份量適中,唔太多唔太少,而比起我係出面食個幾間好味好多,賣相仲靚好多添,而價錢雖然貴出面少少,但係佢D配料比出面多,我情願比多少少錢,食好D,好過食D同款野,平少少又唔好食, 而我男朋友就叫左個情迷朱古力,佢係一個朱古力味既奶凍,加左忌廉奶、威化餅、麥提莎、朱古力醬,第一啖食落去既感覺好滑,好好味,味道都好適中,我食咁多間甜品,呢一間都算係數一數二,我下次一定叫埋我D朋友入黎試下.都時可以叫到不同款式黎試下......