呢間日式串燒店主打多款日本酒，特色牛肉部位及內臟，仲有沙律、海鮮、燒物等等，仲有$98無限時任飲燒酎
先上前菜沙律菜點牛肝麵豉醬，清新爽脆蔬菜搭上惹味醬汁又開胃
滑嫩牛骨髓燒完配上蔥花蒜香，而牛肺好濃香再曬上芝麻辣椒，爽口嘅牛心椗係牛大動脈，用柚子汁幾清新
三種牛腸有用黑椒鹽花調味大腸及小腸，另外牛草肚係牛胃就芥末蜜糖，燒到香脆帶點韌勁送酒一流
牛舌筋肉實在有口感、牛柏葉爽口配香蔥蘿蔔蓉又不錯，牛筋嘅膠質有燒過嘅香氣，
四色橫膈肌有4種味道：蒜香蔥花、黑燒芝麻醬、黃芥末蜜糖 、青芥末，牛嘅橫膈肌牛味好重，又夠嫩腍帶咬口，配不同味道感覺新鮮
火炙韓式生牛肉呢個我都好鍾意，表面火炙到7成熟左右，入面仲生的，再用青瓜及紫菜包住😋再沾上蛋汁一齊食。
Happy hour及宵夜時段 $20 一本 $30 二本
