辣吧 (已結業)

今日同朋友去尖沙嘴食晚飯，諾士佛臺除左有好多酒吧，原來仲有好多餐廳。我地去左一間食串串燒既餐廳到食晚餐，佢入面裝修到好中國風。我地見到呢個鍋爐香鍋可以點，一層可以揀一個主菜，最多可以要三層，香鍋中間放左炭，用黎keep住啲野食既熱度。我地今次點左兩層，分別要左惹味京燒香鱔魚同埋懷舊紅繞雞仙人，入面有好多料，仲有菜底。除左香鍋外，我地都點左啲小食，包括老醋松花小皮蛋、台灣一口蜜汁腸、鮑魚。最後，點少得要返碗救火玫瑰冰粉做甜品！