真味日本料理 (已結業)

因家住荃灣, 此店由開業到而家已經開始幫襯, 見證由初時不用排隊到現時晚飯要等半個鐘。注意此店只收現金, 如幫襯請帶備足夠金錢。角切雜錦魚生飯 - 純個人喜好, $68一個飯, 可以試晒唔同魚生, 而且角切比薄切口感更好, 魚生份量亦多。雜錦壽司 - 蟹子, 赤貝, 帶子, 甜蝦, 魷魚, 三文魚, 吞拿魚, 鱆紅, 基本上所有魚類都會厚切, 此店不會做薄切, 因厚切魚生乃其賣點。情況好似元朗壽司鋪sell特長壽司, 喜歡與否見仁見智。因為食刺身會太漏, 個人偏好order壽司。火炙三文魚壽司亦超讚, 因為有厚度, 可以做到外熟內生, 不似一般壽司鋪, 薄到成張紙, 一火炙已經全熟。雜菌豆腐鍋 - 最鍾意飲個湯, 魚味濃郁, 如不要鍋物, 可以試魚乳濃湯。