Hidden Table (已結業)

朋友屋企附近開左新小食店，主打蒸燒賣同炸燒賣，配上秘製醬汁，作為一個燒賣控梗系要試下啦。有幾款口味都想試，就揀左店家話最多人叫個兩款，再加個非燒賣小食😆小店雖然主要做外賣，但店內都有張長枱可以即食，等緊其間仲有熊貓黎拎外賣，燒賣果然係好受歡迎的😎🥡奶油麻辣魚肉燒賣呢款係蒸嘅燒賣，配上麻辣同奶油汁，辣辣地又creamy，意外地夾喎，燒賣係煙韌香口嘅高質貨👍🥡日式大阪魚肉燒賣另外就試下炸燒賣，醬汁係日式小丸子嘅味道，但小丸子就換左做燒賣，個醬調得好味，本身就好鍾意食小丸子嘅醬，呢個好味又得意，同燒賣都夾呀🤪🥡麻辣避風塘魷魚圈朋友要試嘅魷魚圈，炸得酥脆香口，避風塘口味都幾辣喎，夠晒香口惹味。🍺初嚐炸野配酒一流呀，試下呢個香港釀製的初嚐，入口第一啖覺得咁似檸蜜嘅，慢慢啲酒味就散出黎，甜甜的好易入口，氈酒檸蜜好好飲呀😍下次再試其他口味先🤤