辣吧 (已結業)

朋友介紹話呢度有地道嘅新派川菜食，於是黎試吓。嚟到第一眼覺得間餐廳好古典風，大紅燈籠高高掛，都幾啱用嚟慶祝中秋節！睇返Menu原來佢食嘢主要有兩大選擇，一個係銅爐香煱，另一個係海鮮大咖，兩款都好吸引，心大心細，見未試過銅爐香煱，一於試試先。我哋叫咗兩層，底層（$288）我哋叫咗滋味蒜香花甲王，份量約兩斤啊，花甲大隻鮮甜而無沙，另一層叫左老乾媽爆炒牛魔王（肥牛、牛腩、牛雜），當中牛腩最正，炆得淋又入味，肉味濃又唔un, 牛柏葉都正，爽口又有啃口😋另外，啲燒物都做得好出色，蜜汁一口腸，燒到外皮脆口，入面juicy, 蒜蓉聖子好香口，鮮甜。鮑魚性格比高（$56兩隻）啖啖肉，又鮮味。呢度啲飲品都做得好好，叫左杯Mocktail裱子綠茶，口感好豐富，混合左唔同嘅水果香甜同埋綠茶香味。整體感覺好好，又坐得舒服，下次試埋其他野先！