一起果醬 (已結業)

今日去尖沙咀睇戲途經見到之前雞煲位變成cafe .叫一起果醬。鐘意食面包的我見佢可以用吾同果醬味道做菜式，就入左去試下。蟹餅$98：好香蟹肉味同蟹肉絲係入面，份量都剛好吾太咸，而加上蛋黃醬又另一味道。水蜜桃紅茶$45：限定版水蜜桃果醬紅茶，味道少少甜但勁多水密桃生果，原來果醬都可以加水或茶變成飲品，幾特別 。乳酪紅酒啤梨窩夫$68：份量超大份，都係$68左右，好抵食，果醬新鮮吾太甜，乳酪味雪糕都吾錯，少少酸配合果醬甜剛好，而且仲有3款生果食左消滯感全消。澳洲和牛漢堡包$108：和牛牛肉味濃吾硬，都多菜同蕃茄令到冇咁油的感覺，如果面包有竹少燶加牛油就更香口。但最喜歡係用士多啤梨醬黎食薯角都幾特別同有生果香。木瓜雪耳果醬：試下幾款果 醬之後，最後想買樽返去，試下木瓜雪耳，好香木瓜味同少少雪耳口感，最後都忍吾住自已買一樽回家沖水或搽面包用。