華安餐廳 (已結業)

喜歡食咖喱，咩國家嘅咖喱都喜歡，茶餐廳嘅就當然係食港式咖喱，呢度嘅咖喱幾特別，小小辣， 港式咖喱唔似泰國咖喱同印度咖喱，無炒香啲咖哩，亦唔需要落椰漿，但係都足夠令你食完一大碗飯。牛腩炆得幾淋，香濃軟熟，用筷子都可以夾開，唔錯唔錯。都唔知道嗰日咩事，兩個人一人一個咖喱飯都唔夠食，再叫多個西多士，西多士新鮮做出黎嘅就當然哋好味啦，外脆內軟，香口，西多士 仲要用厚麵包做，食肥都無辦法啦。