MIX (已結業)

今次嚟到太子呢間餐廳酒吧🍻佢地主要係食燒春雞同埋豬手🐽我地嗌咗一杯檸檬味一杯香港手工啤慢慢嘆😎#可樂燒春雞 ($138)😋好味指數：(8/10)有幾款味道嘅雞，我就揀咗呢隻坐住個可樂罐嘅Tone-Tone雞🐣個樣真係勁搞笑😹有埋手套同濕紙巾提供。佢地嘅雞係慢煮完再燒，燒香嘅雞皮加埋滑滑又juicy嘅雞肉好好味，仲帶啲甜甜地嘅可樂味😋#頂級安格斯牛肉漢堡 ($128)😋好味指數：(7/10)個牛肉漢堡都好多汁，個包有好多菜同小小紅椒黃椒中和番個油膩感，唔錯🥰#西班牙黑毛豬叉燒 ($98)😋好味指數：(6.5/10)燒得唔錯，不過我覺得味道濃咗小小，就咁食會有啲辛苦🤣