吉野家 (已結業)

環境3分：正常吉野家連鎖店格局，三分。衛生2分：地方都叫乾淨，原本有三分，但係個垃圾桶位就响個收銀部同取餐處隔嚟，等食物食有陣垃圾味，要扣佢一分。服務4分：阿姐落單快，個餐三分鐘就出，外賣效率絕對高，可以畀四分。味道3分：1)      吉野家Ｄ牛肉一向有保證，又長又薄仲好夠味，Ｄ野菜呀都好爽。因為白飯打開仲好熱，所以加佢一分。2)      跟餐果碗麵豉湯好咸，要扣返一分，總數即三分。抵食4分：堂食個野菜牛肉大飯要四十二蚊算係正常價位，今日外賣自取特價減成九蚊，飯多夠飽一定要加分，可以畀四分。