澳門茶餐廳 (已結業)

放假日日瞓到日上三竿。午餐已經係下午茶時段，晚餐就係宵夜時段，實在慳唔少呀！其實銅鑼灣十點後大把地方半價優惠，但做完YOGA超肚餓，唔想行太遠，就求其入咗呢間澳門茶餐廳啦！ 招牌豬扒包：話明係招牌，梗係對佢好有期望啦！唔知係唔係太夜去的關係，是晚豬扒好乾，個包又唔脆，又唔多夠洋蔥，但又好油喎。有少少失望。 宵夜套餐－炒貴刁 + 飲品一杯：炒貴刁太油啦！食完成碟都係油！味道就不錯，都幾惹味。整體黎講食物質素好普通，去得茶餐廳都預咗食物係油，但呢度真係比其他茶餐廳都要油膩數倍。幾年前都來過呢間澳門茶餐廳，印象也還不錯，不知是否水準下降了呢？