影片
更多
2016-09-02
634 瀏覽
剛剛從越南回香港，雖然旅程因為一些小事而不快，然而，對於越南的美食，我還是十分喜歡又響往的。特別係越南的物價可以講係賤價，一碗好吃的Pho牛肉粉，只是十元八塊。平到點，你去過先會知，不過放心，我帶你好似捉Pokemon咁去了解下幾平。首先，同大家介紹下，100港幣對270000越南盾。即1:2700 。簡單明瞭的數學，就是所有價錢除以2700就係個香港價。Pho2000，一碗Pho，80000 越南盾，即29.6，這間是克林頓吃過的Pho，所以佢夾著pho for president 之名，連鎖店，已經好x貴，越南人自己都未必食。食落真係好好味。 Pho le，中文名麗錦，一碗Pho，60000越南盾，即$22，平頭先20%，因為不算連鎖，冇鬼佬客，價錢開始打真軍，味道好正，乜都有，又丸又牛腩又牛肉，十足那些火車頭，冇錯，香港買五六十一碗的那個火車頭。 樂天百貨的河粉，我選了紮肉，20000越南盾，即$8有找，以平價來說，佢好抵食，亦都係勁勁勁好食。 這就是越南，貴到點應該都不過三十蚊，貴到又出名到連總統都去的，都不過三十，這刻你唔明白點解咁平，香港點解咁貴，物離鄕貴大約就是原因。如果
特別係越南的物價可以講係賤價，一碗好吃的Pho牛肉粉，只是十元八塊。
平到點，你去過先會知，不過放心，我帶你好似捉Pokemon咁去了解下幾平。
首先，同大家介紹下，100港幣對270000越南盾。
即1:2700 。
簡單明瞭的數學，就是所有價錢除以2700就係個香港價。
Pho2000，一碗Pho，80000 越南盾，即29.6，這間是克林頓吃過的Pho，所以佢夾著pho for president 之名，連鎖店，已經好x貴，越南人自己都未必食。食落真係好好味。
Pho le，中文名麗錦，一碗Pho，60000越南盾，即$22，平頭先20%，因為不算連鎖，冇鬼佬客，價錢開始打真軍，味道好正，乜都有，又丸又牛腩又牛肉，十足那些火車頭，冇錯，香港買五六十一碗的那個火車頭。
樂天百貨的河粉，我選了紮肉，20000越南盾，即$8有找，以平價來說，佢好抵食，亦都係勁勁勁好食。
這就是越南，貴到點應該都不過三十蚊，貴到又出名到連總統都去的，都不過三十，這刻你唔明白點解咁平，香港點解咁貴，物離鄕貴大約就是原因。如果香港價錢可以係越南個邊食十碗，仲要好食個隻。你知道香港火車頭的火車頭要成百蚊，芽莊的河粉貴到傻，剛剛回來香港的第二晚，在厚福街，可能養成了習慣，我繼續想食越式粉，於是我入到這間。
當然這裡同厚福街其他食肆對比，價錢平好多，環境也差好多，不過，越南菜不嬲都唔係食環境，係食風味，也不什麼貴價美食，於是這裡的一切都很配合那個style。
首先，間店以綠色為主，那種如迷彩中見到的軍綠，看到也覺得似，殘破舊不堪的牆身，就如越南的環境，周圍也充滿著越戰歷史。
冇那些什麼滴漏咖啡，你死左條心，這裡的熱檸水，十舊幾蚊，你心水清越南五千蚊就有杯勁正嘅滴漏咖啡，呢度只係杯水有水味，檸檬有檸檬味嘅水。
說真，那個河粉係全碗最難食嘅一部分，當你吃過怡保的河粉，你吃過潮州或香港的美味沙河粉時，這裡的可以說是一事無成，那種河粉完全不入戲，不能夠吸湯，沒有味道，不是煙韌軟淋淋而像男子漢般硬，佢完全不能叫河粉，大約是最食到氣結的原因。
芽菜係靈魂，這裡當然都有，只不過那些芽菜吃起來沒有靈魂，冇乜水份，乾得像這天在糧尾日一樣乾的日子，吃得苦了我的舌頭。
牛丸這個最重要的主角也沒有，換來的貢丸一口雪藏味，大約冷氣涼得太多吧。
牛肉是肥牛，是全碗粉最好吃的東西了吧。
那件所謂牛腩，不提也罷，我不想浪費筆墨去形容佢點樣差。
還有那件正常一點的牛栢葉，起訴我冇乜好投訴。
我好少食唔到一杯粉，呢碗粉某程度上破了我的紀錄。
馬拉盞通菜，坦白說，呢個完全沒有可能炒得唔好食，菜應有是容易調較的項目，為什麼都會這樣?我也十分莫名其妙。
菜是應該嫩嫩的，如果你吃過東南亞的菜就知，但這裡的卻是非常老，炒得也有點過火，好地地點可能炒到咁。是越南的牛河把我的舌頭寵壞了嗎？我的心和舌頭就如打了一場越戰，在香港這個美食天堂，竟然可以在咁唔得嘅越南的牛河，那種交戰就如是戰死沙場般，我實在吃不了這樣的牛河，好難食，係，用好難食形容冇多也無少，至少，在厚福街這個小美食天堂不應該發生這件事。
人離郷賤，物離鄕貴，為什麼來到自己地方俾一個咁貴錢都食不到一口好的牛河，難道我要到申請到越南打仗才有嗎？福禧中越美食
尖沙咀厚福街5-6號地下
張貼
