滷江湖 (已結業)

經過佐敦區，諗起要幫屋企加餸，滷味係一個好選擇😋今次間餐廳叫做「滷江湖」，個名好盞鬼。江湖精選拼盤$98呢個拼盤好豐富！有超多豬腸、大大份鵝肉！裝滿全盒，$98來講都算係相宜價！豬腸夠淋夠彈牙，超邪惡，滷水味好足！至於鵝肉入味，通常滷水味會好濃、好鹹，呢個滷水鵝肉質不錯，又不太鹹！送飯啱啱好。韭菜豬紅$48看似普通的一道菜，魔鬼在細節，令味道昇華！首先一拎上手，就覺得沉甸甸的，好足料，選用的豬紅高質，富彈性，屋企人話撈極都仲有！湯底係屬於微辣，湯底好香，豬紅好滑！太好食啦！唔好睇小呢個份量，三個人食都食唔晒，最終仲要留番第二日做lunch哈哈