十兄弟車仔麵 (已結業)

今日我放工同同事一行八人去咗灣仔食嘢，係十兄弟兄弟車仔麵黎一個麵食放題，我哋嗌到成枱都係食物場面非常壯觀！😋先講下主角三碗車仔麵先，第一個係招牌八寶麵，碗麵大大碗，有牛坑腩，豬紅，豬皮，大腸，蘿蔔，粟米，雲耳，全部用料十足，炆得好冧好入味！而第二碗係最豪十兄弟，有紅腸，炸燒賣，炸雲吞，豬頸肉，魚皮餃，墨汁台灣香腸，墨魚春卷，魚腐同芝士腸！全部都係香港嘅特色小食做Crossover買台灣小食，唔係一般嘅傳統車仔麵，非常之特別而味道當然都係好好食啦！😋而第三碗果然真係好似佢個名咁呢碗唔野少，有蠔油冬菇，鮑汁魚肚，蠔皇紅燒鮑魚同日本珍寶蟹柳！全部都係海鮮之餘，仲要冇諗過竟然有鮑魚食😱嘩真係好抵食囉，全部絕對真材實料，非常大隻！😌十兄弟嘅小食都非常出色！我哋嗌咗個小食拼盤，有紅腸，雲吞，黑魚丸同仿龍蝦丸，仲叫左碟菜心油菜，香辣玻璃魷魚，麻辣蓮藕同雞翼！我哋真係將呢度既野食完全試搵晒。結果係點，梗係全部都好好食，要脆既脆，要冧既冧，要多汁既就好汁！❤️