影片
更多
2017-03-18
149 瀏覽
本來去九展食lunch，點知個度有event餐廳勁多人，上星期個同事講起高銀有粥麵食，即刻轉場我之前睇報紙介紹個幢大廈日本菜法國菜，以為淨係得高級餐廳，一直唔敢去，去到幢大廈都要問保安餐廳係邊，佢話沿扶手電梯一上就係，去到門口個侍應話有85折，同埋睇埋餐牌粥麵大約$50-$60先敢入去。餐廳都幾大，位同位之間好寬敞，坐得好舒服，如果喺德福，價錢差唔多，但又逼又嘈。餐牌得散叫同四人餐，我哋2個人唯有散叫，侍應推介炸両同粥，所以叫咗炸両、及第粥再加個水餃撈麵加腩汁。炸兩先上，個皮做得好薄，入口好脆同香，我哋2個食唔停口，但記住趁熱食，凍咗味道差啲粥幾綿，豬膶同腰肥美，粉腸唔臭。水餃都唔錯，餡足料，仲有成4隻埋得連茶錢再折番都係$168，同去正斗差不多我見隔離檯食叫豬手好似好正，同埋4人餐個粥勁大煱，下次來試
本來去九展食lunch，點知個度有event餐廳勁多人，上星期個同事講起高銀有粥麵食，即刻轉場
我之前睇報紙介紹個幢大廈日本菜法國菜，以為淨係得高級餐廳，一直唔敢去，去到幢大廈都要問保安餐廳係邊，佢話沿扶手電梯一上就係，去到門口個侍應話有85折，同埋睇埋餐牌粥麵大約$50-$60先敢入去。
餐廳都幾大，位同位之間好寬敞，坐得好舒服，如果喺德福，價錢差唔多，但又逼又嘈。
餐牌得散叫同四人餐，我哋2個人唯有散叫，侍應推介炸両同粥，所以叫咗炸両、及第粥再加個水餃撈麵加腩汁。
炸兩先上，個皮做得好薄，入口好脆同香，我哋2個食唔停口，但記住趁熱食，凍咗味道差啲
粥幾綿，豬膶同腰肥美，粉腸唔臭。水餃都唔錯，餡足料，仲有成4隻
埋得連茶錢再折番都係$168，同去正斗差不多
我見隔離檯食叫豬手好似好正，同埋4人餐個粥勁大煱，下次來試
張貼