影片
更多
2022-04-23
195 瀏覽
牧羊少年咖啡館最新店介紹 - 旺角店人氣Cafe牧羊少年咖啡館以旅遊為主題，店內更有漂書及未來明信片服務，係太子、沙田、屯門等地區都有分店。而牧羊少年咖啡館亦岩岩係旺角開左舖，成香港第8間分店！Cafe以意粉及All Day Breakfast做到街知巷聞，加上位置開係文化集中地，自然吸引唔少文青及藝文客人，難怪每間分店都大排長龍，場場爆滿！餐廳不設訂位，平日夜晚去都好彩唔洗等太耐，15-20分鐘就有位了。入去前都見到20-30人係出面等緊，好誇張呢間餐廳環境壯觀，簡潔清新，靚 ! 不過隔音有待改善啦，唔好彩撞正隔離枱客人講野聲量好大，都會好嘈好煩擾，如果唔係就食得更加開心。食物方面，則有供應全日早餐、薄餅、意粉、小食、甜品等，如千島香芒牛油果雞肉薄餅、香草蒜茸牛油焗春雞、香煎日本帆立貝等，當中香煎加拿大保濕豬鞍，以獨有的保濕技術製作，烹調時能保持肉汁，食落juicy。甜品也少不了其激厚窩夫和Tiramisu，款款吸引。咁我就重點推介幾樣野食啦 :紅菜頭香芒葡萄藜麥沙律配蜜糖芥末醬，酸酸既配搭超清新，乍看以為蔬菜好少，但其實底層仲有D菜，營養均衡！田園欖油乾茄意大利粉，蕃茄酸酸甜甜，加
人氣Cafe牧羊少年咖啡館以旅遊為主題，店內更有漂書及未來明信片服務，係太子、沙田、屯門等地區都有分店。而牧羊少年咖啡館亦岩岩係旺角開左舖，成香港第8間分店！Cafe以意粉及All Day Breakfast做到街知巷聞，加上位置開係文化集中地，自然吸引唔少文青及藝文客人，難怪每間分店都大排長龍，場場爆滿！
餐廳不設訂位，平日夜晚去都好彩唔洗等太耐，15-20分鐘就有位了。入去前都見到20-30人係出面等緊，好誇張
呢間餐廳環境壯觀，簡潔清新，靚 ! 不過隔音有待改善啦，唔好彩撞正隔離枱客人講野聲量好大，都會好嘈好煩擾，如果唔係就食得更加開心。
食物方面，則有供應全日早餐、薄餅、意粉、小食、甜品等，如千島香芒牛油果雞肉薄餅、香草蒜茸牛油焗春雞、香煎日本帆立貝等，當中香煎加拿大保濕豬鞍，以獨有的保濕技術製作，烹調時能保持肉汁，食落juicy。甜品也少不了其激厚窩夫和Tiramisu，款款吸引。
咁我就重點推介幾樣野食啦 :
紅菜頭香芒葡萄藜麥沙律配蜜糖芥末醬，酸酸既配搭超清新，乍看以為蔬菜好少，但其實底層仲有D菜，營養均衡！
田園欖油乾茄意大利粉，蕃茄酸酸甜甜，加上乾辣椒碎和香草，超級惹味又健康 !
黃金鹹蛋苦瓜忌廉雞肉意大利粉，苦瓜含多種營養素，當中既維他命C更加係冠絕瓜果類。苦瓜當中既氨基酸能增強人體免疫力，再加上苦瓜獨有既苦瓜鹼等，兩者都能抑制腫瘤生長，疫情期間更加要食多D啦 !
牧羊少年咖啡館 (雅蘭中心)
地址 : 旺角彌敦道639號雅蘭商場1樓103號舖
電話 : 2779 0268
營業時間 : 星期一至日 11:00 - 22: 00
16 瀏覽
0 讚好
0 留言
5 瀏覽
0 讚好
0 留言
8 瀏覽
0 讚好
0 留言
張貼
