牛油果香芒烤雞沙律配日式胡麻醬（Nut）：烤雞好嫩滑，但有啲少，唔夠食；牛油果熟度岩岩好，好香，芒果都好甜，本身麻麻地nut嘅我，同啲芒果再加牛油果一齊食原來係好match，一定要試！蝦頭油鳳尾蝦香辣肉碎意大利粉（辣）：食過幾次牧羊少年，呢個意粉最好味。蝦好大隻，啖啖肉，而且係新鮮彈牙，唔係個啲雪藏完會霉霉地咁，超好味！怕辣都唔驚，平時我湖南菜食小辣，食呢個香辣係一啲都feel唔到辣味😂鹽麴燒比目魚伴烤澳洲西蘭花·普羅旺斯燉菜：呢個比目魚都唔錯，最重要係魚皮煎到超脆，魚肉好滑，入口就化咁，值得一試👍:)參巴鮮茄煮沙白大蜆（辣）：相比起前三個菜式，蜆就會失色少少，可能我麻麻地酸味，因為鮮茄應該冇加糖/茄膏，所以保留左蕃茄本身嘅酸味係度；但蜆冇沙，就普通一般啦。
1
1
