牛摩+ (新港城中心(5期)) (已結業)

是晚與媽媽約好一齊出街食晚飯，我地係MOSTown新港城中心經過牛摩見到佢新出左新火鍋放題套餐:【足料精品鍋X激罕雙牛放題套餐】，任食牛小排，肥牛，牛舌，雞肉，豬肉等，都係$288加一，食足90分鐘，一於就試下佢!入去之前服務員會先同我地量體溫同​​噴酒精消毒雙手，十分衛生呀!入到餐廳服務員細心講解揀套餐分別同種類，揀好套餐就會落埋湯底～我地分別揀左椰子雞湯同蕃茄湯底。一上個椰子雞湯火鍋已經聞到濃好香既椰子味，而且，仲湯勁足料有好多椰子片、龍眼肉，杞子同舊栗米等材料，所以個鍋一滾，我就先試下佢個椰子雞湯，嘩！飲落啖啖椰香，好甜好正呀！😍而蕃茄湯就冇乜特別，如果蕃茄味再出啲就好。除左有任叫嘅肉類之外，仲有自助吧，有醬汁區、火鍋配料區、沙律區、熟食區、壽司區、飲品同甜品區，真係好多選擇啊！牛小排真係必食！睇圖都可以見到佢嘅色澤好靚，勁新鮮，肉脂分佈好平均，食落好嫩勁有牛香味，塊塊都大大塊，好有口感，啱晒我呢啲食肉獸，好滿足呀！🥰而雞肉食落肉質鮮嫩爽滑，放落椰子雞湯底，雞件完全吸收晒椰子湯嘅精華，兩者滋味配搭！最後，值得推介嘅係佢地嘅手工冷泡茶，一共有四款味道，茶味濃郁，食咁多肉飲返啖茶可以