二鍋頭 (嘉芙中心)

營業中

休息中

今次黎到位於尖沙咀嘉芙中心嘅一間樓上火鍋店，環境都唔錯，又有電視睇，有醬汁區，飲品，雪糕雪條任拎。開頭我地揀左雞煲黎食，個雞煲係勁香，每舊雞都入哂味，份量好多，應該有半隻雞。食完之後我地仲升級挑戰牛魔皇，任食和牛真係抵玩。湯底我地揀左豬骨湯，想清清地食到牛嘅真正鮮味，而唔受其他調味料影響。啲和牛真係靚到不得了，油脂分明，雪花分佈均勻，水滾後用筷子游走4，5下就已經食得，食靚和牛medium咁食係最好，全熟嘅話反而食唔出佢嘅texture同埋味道。另外值得介紹嘅係魚皮餃同鳳城水餃，完全唔係頹嘅邊爐任食質素，呢下係好值得讚，通常其他鋪任食任叫嘅食材都係好壞參半，但呢間係做到保持水準，唔會令你失望，真心有下次呀呢間。