潮城潮汕火鍋

營業中

休息中

位於旺角新開嘅火鍋店，主打近年大熱嘅潮汕牛肉火鍋，好多牛肉不同部位都食到，啱晒牛魔王，餐廳裝潢簡約，初頭以為店舖細細，原來行上閣樓有好大空間~ 食牛肉想揀個清新啲嘅湯底，所以揀咗番茄栗米豬骨湯，內含大量粟米同蕃茄，個湯幾鮮甜~ 叫咗兩款牛肉試吓，匙柄紋理清晰，肉質鮮嫩，認住佢中間有條筋，輕輕淥幾秒就食得，嫩肉脂肪含量少，比起匙柄更有咬口，肉味香濃~ 其他火鍋配料仲叫咗豬肉栗米餃、潮汕牛肉丸 、御頭鵝肉丸同油麥菜，兩款丸類都相當彈牙好食，餃子飽滿足料，加咗粟米，味道多咗一份甜味~ 另外都推介佢嘅炸潮州魚蛋，魚嘅鮮味幾出，爽口彈牙~