一盛極牛 (已結業)

平時係香港食既拉麵，好多都係港式拉麵，就算係日式，比較多都係豚骨湯底的拉麵，當然有好多都好正，但係食得多同一款湯底會想試下其他新野！最近經過尖沙咀，見到有間門口寫住秘製醬油、超濃牛骨等等字眼的日式拉麵餐廳，身為拉麵控的我地，當然立刻衝入去試個究竟啦!餐廳環境同平常的日式餐廳無異，有多張日本電影海報，更增添氣氛。座位方面分成兩種，一種是類似bar枱的高桌高椅，可以同拉麵師傅近距離，欣賞他的煮麵英姿，另一種就是平時的四人桌子，最適合與親朋戚友吹水！基本拉麵的選擇有兩個，白牛以及極牛拉麵，我同女朋友各叫左一款，極牛拉麵的牛骨湯底濃厚，發現兩者最大的分別是白牛比極牛多了白松露的配合，而最令我們感到特別的是竟然即使白牛拉麵多了白松露，但亦都唔會蓋過牛骨的味道！食拉麵我覺得最重要係再加支可爾必思，因為食完我覺得立即爽番天呀！