LAB10 (已結業)

公司生意唔好，被迫放大假，所以出去搵吓美食，今日去朗豪坊，見到一間韓式無煙燒肉，支客好好招呼及介紹，所以入去一試。 我哋選左$248任食雞牛豬，薯條同任飲梳打～～ 首先嚟左個肉盤，有牛脷，雞肉，豬仔骨，牛板腱，豬頸肉，牛後腹同一口牛。 牛脷食落有少許爽口，口感豐富,可能因為薄身,所以較易燒熟. 雞肉很入味而不太咸，肉質厚，多留意，不易燒焦呢，我自己覺得依個雞係好味嘅，之後聽到旁邊的食客都話好味，我心中暗爽！牛板腱同牛後腹嘅牛味會重一點，前者係瘦啲而後者脂肪分怖平均一啲以及帶點油香味～  不可不推介嘅係炸薯條，佢根本已經好夠脆，點知佢哋備有雙色芝士醬俾我哋響個燒板度燒溶之後點薯條嚟食，即溶芝士又滑又惹味，仲有拉絲感，邪惡程度達標！！（喜歡食 澱粉質嘅朋友仲可以任食炒飯，不過我哋就不了！）大家唔好唔記得like佢哋社交平台,因為會有一個海鮮盤送，除咗有蝦，蜆之外，仲有蠔同魷魚鬚等，令這放題更豐富！