牛角次男坊 (荃灣廣場) (已結業)

21/8/2023，星期一，山長水遠09:30嚟到荃灣裁判法院做野，趁13:10放風時間去咗隔離荃廣嚟個快閃覓食。推開玻璃門第一眼見到嘅就喺食日本燒肉丼嘅牛角次男坊。未食過嫁，有咩吸引得過唔駛等位，價錢又唔貴。唔想煩唔想行嘅我，坐底咗。據多年試伏經驗，燒牛肉豬肉中伏嘅指數高達83.1496%。有數據支持嘅我，果斷嗌咗：〰️〰️〰️🍽 盬燒牛舌丼 (大)▪️用咗經典嘅日式呃飯碗上，夠地道！▪️牛舌足足有9️⃣片，3 mm左右厚，話厚唔厚話薄唔薄，入口軟𣺉。味道上與其話喺鹽燒，更似汁煮再燒。有幾件牛味特別濃，油脂感特別重，特別軟嫩，喺牛舌芯啊！幸福感+1。▪️飯有少少Q度，加上少少燒肉汁同味素嘅加持，無投訴。〰️〰️〰️💸 無加一，埋單$73。📑 牛舌嘅處理同質素比預期嘅好，食完都有7成飽。整體其實幾OK，唔使加一算食得過。