影片
更多
2022-07-08
361 瀏覽
餐廳：牛舞日本燒肉‧涮涮鍋放題 (銅鑼灣)地址：銅鑼灣波斯富街99號利舞臺廣場8樓A號舖牛舞 @gyumai.yakiniku 喺香港啱啱開咗第三間分店，而我今次去嘅喺最新開張、只喺開咗一個幾星期嘅銅鑼灣利舞臺廣場分店🎊。除咗一般嘅日式定食，佢哋仲有唔同嘅涮涮鍋同燒肉套餐，今次我就試咗佢哋100分鐘任食嘅樂天澳洲和牛燒肉放題($388)銅鑼灣期間限定嘅新張優惠，2位一同叫呢個放題套餐或者日本薩摩和牛放題套餐都會送「4%奇跡之牛巨切」🥩。呢款和牛嘅命名喺因為呢款肉嚟自鹿兒島最大嘅和牛生產商，每年只有4%嘅牛可以達到BMS霜降程度10級或以上。佢嘅雪花比較多，而且脂肪比例好平均，未食嗰陣望到佢啲油花都知道有幾吸引🤤除此之外，呢個套餐仲送一個牛舞拼盤，裡面有薩摩牛牛肋肉、澳洲和牛腹肉、美國和牛肩小排、安格斯一口牛、牛舌薄切、厚切豚腩肉同美國雞腿肉。薩摩牛喺鹿兒島No.1嘅和牛🐂，只有極少數和牛有呢個稱號，肉質達到A4級別以上，呢啲牛隻食熊本米、飲櫻島火山泉水，先造就到入口即溶、色澤鮮美嘅牛肉😍食完所送嘅優質靚肉，就開始掃QR code點嘢食同出去自助吧枱拎嘢食，有128種食物任你揀，淨係牛肉
地址：銅鑼灣波斯富街99號利舞臺廣場8樓A號舖
牛舞 @gyumai.yakiniku 喺香港啱啱開咗第三間分店，而我今次去嘅喺最新開張、只喺開咗一個幾星期嘅銅鑼灣利舞臺廣場分店🎊。除咗一般嘅日式定食，佢哋仲有唔同嘅涮涮鍋同燒肉套餐，今次我就試咗佢哋100分鐘任食嘅樂天澳洲和牛燒肉放題($388)
銅鑼灣期間限定嘅新張優惠，2位一同叫呢個放題套餐或者日本薩摩和牛放題套餐都會送「4%奇跡之牛巨切」🥩。
呢款和牛嘅命名喺因為呢款肉嚟自鹿兒島最大嘅和牛生產商，每年只有4%嘅牛可以達到BMS霜降程度10級或以上。佢嘅雪花比較多，而且脂肪比例好平均，未食嗰陣望到佢啲油花都知道有幾吸引🤤
除此之外，呢個套餐仲送一個牛舞拼盤，裡面有薩摩牛牛肋肉、澳洲和牛腹肉、美國和牛肩小排、安格斯一口牛、牛舌薄切、厚切豚腩肉同美國雞腿肉。
薩摩牛喺鹿兒島No.1嘅和牛🐂，只有極少數和牛有呢個稱號，肉質達到A4級別以上，呢啲牛隻食熊本米、飲櫻島火山泉水，先造就到入口即溶、色澤鮮美嘅牛肉😍
食完所送嘅優質靚肉，就開始掃QR code點嘢食同出去自助吧枱拎嘢食，有128種食物任你揀，淨係牛肉都有超過30款🤣，
另外仲有刺身、內臟、炸物🍤、
海鮮、
串燒🍢、飯/麵、沙律🥗、熟食、甜品等食物任君選擇，熟食當中嘅芝士焗青口、招牌牛舞漢堡、椒鹽黃金蝦酥、日式咖喱牛筋腩、蒜蓉牛油炒雜菌，每款都夠晒特色👍，
而我最鍾意就喺招牌牛舞漢堡，入口肉香味濃，充滿油脂香而且有豐富肉汁💦，超級惹味🤩
甜品緊喺唔少得Tiramisu同朱古力蛋糕，和菓子同牛奶泡芙都唔輸洩😌，
加上唔同口味嘅日本明治同樂天雪條，記得留番啲胃口食甜品啊🍰值得一題喺佢哋嘅飲品除咗有平時嘅罐裝飲品、汽水同茶之外，仲有一部咖啡機比你沖自己鍾意飲嘅咖啡☕️，雖然同食燒肉就唔喺好夾，不過我真係好需要飲杯咖啡提神🤣
臨走見到一隻送餐機械人，用紅外線操作，唔使人手就可以將食物送到客人嘅枱前面，睇嚟AI嘅年代將會充斥住各行各業🤖
張貼
